#SINIKITE

Gudangnya Nomor Hp, Nomor WA, Lirik Lagu, Kunci Gitar dan Terjemahan Lagu

Showing posts with label Lagu Gayo. Show all posts
Showing posts with label Lagu Gayo. Show all posts

Lirik Lagu Gayo "Yonania - Yasman Tri Buana" - #SINIKITE

  September 05, 2024    Akmal Aman Zia

Lirik Lagu Gayo

"Yonania - Yasman Tri Buana" - #SINIKITE

Cipta: Yasman & Khairussaleh




***Musik***

Gere sangup ku lupenen

Nge bersuen budi basa

Wani ni ate ku kemasen

Ku tunin I jantung rasa


Sunguh kaul dih harapen

Ken ko ulen si mucaya

Alah hiya yonania te

Hiya yonania te


Kati sedih item utih

Payah pedih munimang rasa

Nome nge balik singkih

Kebes letih gi terasa


Ku tunung liku ni waeh

Gere betih isi kala

Alah hiya yonania te

Hiya yonania te  


Alah hiya yonania te

Hiya yonania te


***Musik*** 

Selalu mulo selalu

Bunge layu mutik mala

Gere sawah si kite tuju

Bayangenmu dor I mata


Taring belang pediangmu

Kutalu gere ne ara

Alah hiya yonania te

Hiya yonania te


Sebelit lintes bayangen

Ko munengon I jendela

Urum lauh beramuren

Asal rupen naring basa


Gere sempat ko bersinen

Ku kirimen seni doa

Alah hiya yonania te

Hiya yonania te  


Alah hiya yonania te

Hiya yonania te


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Tetap Mi Ate - Win Kul" - #SINIKITE

  August 10, 2024    Akmal Aman Zia

Lirik Lagu Gayo

"Tetap Mi Ate - Win Kul" - #SINIKITE

Ciptaan: Saladin Burak


Tetap mi ate... wo ige

Enti ne gabuk.. wo tajuk

Serenen Ku kayu kayu pe murebah...

Serenen ku atu atu pe mu pecah...

Woooo....


***Musik***

Wan kuning i langet... osop matani lao...

I ujung ni lepo ku tupangen dagu...

Munengon ulen ... kenake i jangko...

Tape sayang oloh.. galah gere naru..


Ku enumen uwes ku doloten sedeh...

Bier balik singkih mungenal penaru...

Bier pe hine morep ku legih...

Ku jema si lebih, gere ara mulangaken kumu...


Gene neh bergune... besilo ne dulang...

Bier pe ampang... bercucuk leladu...

Ke ku cerak jeroh... gere neh bertimang...

Ke ku jelen lempang... Gere neh tertuju...


Nge tapas ku bumi ulung si mutayang...

Atan ranteng cabang morep kayu nalu...

Mera ke de ijo raom si ku tomang...

Mera ke de senang le ate si karu...


***Reff***

Remenang loh remenang bang

Remenang loh remenang bang

Gelampang urum loyang datu


Remenang loh remenang bang

Remenang loh remenang bang

Gelampang urum loyang datu


***Musik***

Si ku ingeti... budi urum basa...

Oya kene jema... gere mera layu...

Muharap penenesen... ari waeh mu mumata...

Buge nguk ku kona... Ku tempeh si naru...


Setie mate gemaseh papa... 

Oya nge kin basa ari muyang datu...

Ibarat Saket kona ku mata...

Tape terasa ari kiding ku ulu...


***Reff***

Remenang loh remenang bang

Remenang loh remenang bang

Semarang urum pasar minggu


Remenang loh remenang bang

Remenang loh remenang bang

Kuala simpang urum panton labu


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Percume - Nawi Alhas" - #SINIKITE

  July 06, 2024    Akmal Aman Zia

Lirik Lagu Gayo 

"Percume - Nawi Alhas" - #SINIKITE

Cipta: Ma'ruf Ari Belta





***Musik***

Ku tunung... Jelen si Naru...

Muliku... Ku engon dene...


Pebening... ku tungkuken ulu

Wan ateng ku... gere mera lale


Ku sihmi ku tumpune ate

Ku Peserne wan linung atu

Tuah bahgie besilo nge bene

Delewe laoh muneroco...

Laoh muneroco...


****Musik****

Murelas rasa ni jantung

Kusihen kao ku tunung

Ku harap male kin payung

Kin tudung i wan uren sire

Iwan uren sire


Nge mutimpe paet ni ungke

Nge bene lungi ni madu

Muluke ate ku luke 

Percume... keta kao ku nanten

Percume.... keta kao ku nanten

Hooooo


****Musik****

Pebening... ku tungkuken ulu

Wan ateng ku... gere mera lale


Ku sihmi ku tumpune ate

Ku Peserne wan linung atu

Tuah bahgie besilo nge bene

Delewe laoh muneroco...

Laoh muneroco...


****Musik****

Murelas rasa ni jantung

Kusihen kao ku tunung

Ku harap male kin payung

Kin tudung i wan uren sire

Iwan uren sire


Nge mutimpe paet ni ungke

Nge bene lungi ni madu

Muluke ate ku luke 

Percume... keta kao ku nanten

Percume.... keta kao ku nanten


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Teduhmi Ko Mongot - Encu Darmawan" - #SINIKITE

  July 06, 2024    Akmal Aman Zia

Lirik Lagu Gayo

"Teduhmi Ko Mongot - Encu Darmawan" - #SINIKITE

Cipta: Hudri Musara Bintang





Teduhmi ko mongot.....

Ongot mi ko lale....

Gayong ku Takengen....


***Musik*** 

Teduhmi ko mongot, Ongot mi ko lale

Emis ko nome, Ules Opoh panyang

Nge ara mulapang, Si karet i dene

Nge ara muserme, Ureng enge sidang


Sabe terbayang, asal wan ate

Ku daten rembebe, Laoh si remenang

Bunge tengah kemang, Layu i tangke

Roloh motek e, Munarengen cabang


***Reff***

Gayong ku... Ine... Gayong ku Sayang...

Terang mi terang ko lao

Terang mi terang ko lao

Cucuk berino ukir ni kerawang


Terang mi terang ko lao

Terang mi terang ko lao

Cucuk berino ukir ni kerawang


***Musik***

Teduh ni gelumang, I ujung gempulo

Enti neh remo, Opoh sara benang

Kaseh urum sayang, Gelah berido-ido

Ama urum ine, Si berdede lapang


Ari wan pematang, Cuge pe i sino

Enti sempat malo, Kin sompong ni luang

Emun mu terbang, Porak ni kemaro

Nge genap kin cino, Gayong ku sayang


Gayong ku... Ine... Gayong ku Sayang...

Terang mi terang ko lao

Terang mi terang ko lao

Cucuk berino ukir ni kerawang


Terang mi terang ko lao

Terang mi terang ko lao

Cucuk berino ukir ni kerawang


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Wo Reget - Rizky" - #SINIKITE

  July 06, 2024    Akmal Aman Zia

Lirik Lagu Gayo

"Wo Reget - Rizky" - #SINIKITE

Cipta: H. Djamaluddin Meri/Udin Musara




***Musik***

Wo reget si tengah alus

Lemus ilen ku panang

I ateng ku enti ko mu kekus

Selo lulus kero ku sulang


Wani ate ni pikiren lekat

Item ni dawat mu meteh resie

Sara ketike ku perahi

Ko renggali ho ho ho jayi


***Reff***

Naseb kao musara

Basa kenge i tarengen

Naseb kao musara

Basa kenge i tarengen


***Musik***

Ike kaseh gere neh laneh

Ike sayang gere neh lelang

Sara ate engi urum abang

Wan ketopang iwan batang ruang


Ike beloh nge sara langkah

Keberet pe nemah nguk kite arang

Ike tepang abang rum engi 

Ko renggali ho ho ho jayi


Naseb

Wo reget si tengah alus

Lemus ilen ku panang

I ateng ku enti ko mu kekus

Selo lulus kero ku sulang


Wani ate ni ko sunting mayang

Kin bunge kemang wani morep ku

Sara ketike ku berjanyi

Ke mujadi ho ho ho janyi


***Reff***

Naseb kao musara

Basa kenge i tarengen

Naseb kao musara

Basa kenge i tarengen


Naseb kao musara

Basa kenge i tarengen

Naseb kao musara

Basa kenge i tarengen


Naseb kao musara

Basa kenge i tarengen

Naseb kao musara

Basa kenge i tarengen


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Dapur Reduk - Kabri Wali" - #SINIKITE

  July 06, 2024    Akmal Aman Zia

Lirik Lagu Gayo

"Dapur Reduk - Kabri Wali" - #SINIKITE

Cipta: Kabri Wali






***Musik***

Nge tareng dapur reduk, Remuk rasa ni ate

Kuneh ku gere gabok Kuneh ku gere gabok

Senguk laoh rembebe...


Mu bayang we mulintes, ules si ku beden ne

Kuneh ku gere uwes Kuneh ku gere uwes

Lintes wan tengah lale...


Si paet nge kin tawar, Si saket pe nge jeger

Ulak mu geh berunger, munyeder peri manes

Si paet nge kin tawar, Si saket pe nge jeger

Ulak mu geh berunger, munyeder peri manes


***Musik***

Kusihen de ku talu, buntu naru pe dene

Turah e kin elem ku Turahe kin elem ku

Wan pumu pemaren e....


Nge osop tempat teduh, Soloh empot i dene

Mai akupe beloh, mai akupe beloh

Kin tempoh paong nome....


Uwes ku enge mokot, Sesal ku sampe mongot

Denem ku dor muninget, si liwet nge selese

Uwes ku enge mokot, Sesal ku sampe mongot

Denem ku dor muninget, si liwet nge selese


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Sadesa - Nabila Kasih" - #SINIKITE

  April 26, 2024    Akmal Aman Zia

Lirik Lagu Gayo "Sadesa - Nabila Kasih" - #SINIKITE

Cipta: Hamka Kung




*****

Ringis ni denem o item

Si kerna mukale

Tangis ni nome woy pake

Ari kerna nipi


Menet ni beldem o item 

ayu ken tape

galak ni cike woy pake

belintem belangi


Sedih ni kayu

Si gere beruwah

Leno mutewah 

Iyup ni gegebe


Sayang ni pumu.....

Bertepok semelah

Olok di cakah susah 

Jurah munerime


Wooo denie....

Woo rembege....


Reff:

Sadesa sadesa Si ken tumpu nate

Sadehe sadehe ken paong bermenye

Sadesa sadesa Si ken tumpu nate

Kodeh ne kodeh ne ken paong setie


*****

Item ni tingkem o item

Uwah nane ane

Ken totor dene woy pake

Tetemas I titi


Osop ni pejem o item

Lelayang kare 

kertas mucege woy pake

Le sayang ni tali


Uwah ni nangka 

Si munaso getah

Terbang ni lebah

Mungenali bunge


Masin ni poa.....

Terasa I delah

Biak siramah tenah

Galak mu bahgie


Wo... denie 

Uw0... rembege ee


Reff :

Sadesa sadesa Si ken tumpu nate

Sadehe sadehe ken paong bermenye

Sadesa sadesa Si ken tumpu nate

Kodeh ne kodeh ne ken paong setie


*****

Batang ni nunem wo item

Uwah rembebe

Manuk si dele woy pake 

Nge cico kecici


Sao bebelgem wo item 

Nge lale berteke

Letep musere woy pake 

Tejem lagu rui


Nasib si mujur 

Oya ken petuah

Laing ni pepatah 

I masa sedenge


Barat urum timur.....

Jarang nge teridah

Ike sara langkah tuah

Kona ni sudere


Wo... denie...

Wo... rembege...


Reff:

Sadesa sadesa Si ken tumpu nate

Sadehe sadehe ken paong bermenye

Sadesa sadesa Si ken tumpu nate

Kodeh ne kodeh ne ken paong setie


Lirik Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Beberu Jemen - Kandar SA - #SINIKITE

  April 05, 2024    Akmal Aman Zia

Lirik Lagu Gayo 

"Beberu Jemen - Kandar SA - #SINIKITE 

Cipta: Mahlil Lewa


***Musik***

Beberu jemen berbaju kurung

Tertib i kampung kin ama ine
Beberu seni olok mulambung
Seruel tangung gere bersuje

Bebujang jemen berpingang rancung
Berkeris rencung alat sedie
Bebujang seni pumu berkalung
Gere ne tertunung resam denie

Beberu jemen jeroh berpating
Arnet i riling nge lagu jele
Beberu besilo ulu i gunting
I taos keriting lagu pemen cine

Wooo ine

Beberu jemen tertib becerak
kedik mugagak sire kutelege
Beberu besilo olok nge rusak
Sapu ni celak semelah denie

Bebujang jemen munyeluk bulang
Beloh mu nunang i lao senye
Bebujang besilo waok nge gernyang
I selok tangang sawit ni kule

Wooo ine

***Musik***
Beberu jemen gere terpancing
Way paling eking naso resie
Beberu seni bertiru ku asing
Baju belah samping kuduk ke muke

Aman mayak jemen sinting di sunguh
Ari umah tangkoh tengah melem bute
Aman mayak seni tue di sepoh
Pukul sepuluh mantong munyite

Inen mayak jemen beta sopan ne
Kelubung nulu e kemel di gure
Inen mayak seni Roa lo ilen ne 
Nge berbaju BB Arap inen tue

Wooo ine

Ulakmi le ulak mi entah kusi nge mai e kite
Ulakmi le ulak mi  le ulak mi kite ku sedenge

Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Kuntut Item - Kandar SA - #SINIKITE

  April 05, 2024    Akmal Aman Zia

Lirik Lagu Gayo 

"Kuntut Item - Kandar SA - #SINIKITE


***Musik***

 Insen kite le ama, Murip atan denie

Beru bujang si memude
Ku ama ine kutiro tabi jai

Tuah i rupe ige, Ini si kucari
Si gere terbeli engi, Mugerak ni ate
O emas serungke

Mata sabe pecengang
Muguncang rasa ni ate
Mata sabe pecengang
Muguncang rasa ni ate

Pemanis kuntut item, Taon ne kutujunen
Atas iyong i seliben, Lagu ulen cahaya belangi engi

Perangi nguk i ubah Tuah kusi i tiro
Perangi nguk i ubah Tuah kusi i tiro

Ara tuah paling sengit, I panang ate pekekit
Gerale lesung pipit, Sagi ni kulit i awah temuni engi

Tuah ni rembege ige, Si gere terbeli engi
Petemun rejeki engi, Sahan mumetehe
Wo tangke nate

***Musik***
Denem paong mukale, Doh osop bene sara ine
Denem paong mukale, Doh osop bene sara ine

Ini laing kin pepatah, Rupe gere terpinah
Bertepok ike semelah, Olok cakah gere mujadi engi

Beret turah i tulak, Cerak enti ko riye
Beret turah i tulak, Cerak enti ko riye

Ara tuah paling penting, Berakah gere omping
Atas renah wok keriting, Mulumposeng puter ni tali engi

Tene berbunge ige, Kedik nge mulawi engi
Si gere terbeli engi, I galak ni ate
Wo mas serungke

Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   /

Lirik Lagu Gayo "Uwes - Lisma S" - #SINIKITE

  April 04, 2024    Akmal Aman Zia

Lirik Lagu Gayo

"Uwes - Lisma S" - #SINIKITE

Cipta: Nasrul Arifin




*****

Uwes e rasa ni ateng ku

Murense rasa ni morep ku

Gere ku sangka ko abang jeroh ku

Manis ni madu nguk mujadi tube


Nalam ku ko male kin tudung

Male kin payung wani uren sire

Nalam ku komale kin tungkelen

Tape rupen Munemah saket ni ate


Reff:

Sebelum mudemu kao urum aku

I unger ko abang o sayangi ko aku

Tetape besilo nge berubah atemu

Sinter mudemu aku i hine ko


Memang gere pantas ike kite musara

Kao jema kaya senang di morep mu

Sedangkan aku jema miskin papa

Si gere ara tungkelen morep ku


*****

Nalam ku ko male kin tudung

Male kin payung wani uren sire

Nalam ku komale kin tungkelen

Tape rupen Munemah saket ni ate


Reff:

Sebelum mudemu kao urum aku

I unger ko abang o sayangi ko aku

Tetape besilo nge berubah atemu

Sinter mudemu aku i hine ko


Memang gere pantas ike kite musara

Kao jema kaya senang di morep mu

Sedangkan aku jema miskin papa

Si gere ara tungkelen morep ku


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Ujung Bebulon Ku Burbana - Kabri Wali Ft Sakdiah" - #SINIKITE

  April 04, 2024    Akmal Aman Zia

 Lirik Lagu Gayo 

"Ujung Bebulon Ku Burbana - Kabri Wali Ft Sakdiah" - #SINIKITE

Cipta: Irfan Hergaf Pinangan




*****

(Kabri Wali)

Ari uken aku berjelen

Ku langkahen male ku toa

Munyino aku nengon ku kuen

Ujung bebulon ku lemah burbana


(Sakdiah)

I pinangen metoh ni uren

Wae selalu renye ku kala

Ku penge keber ara si munengon

Paong berpeden lagu male ara


(Kabri Wali)

Ko si ku harapen wani jantong rasa

Kin ton seserenen wan tengah gelana


(Sakdiah)

Ko male kin tungkelen aku pe nge rela

Pong ku sara kuren morep wani donya


(Kabri Wali)

Kadang ara kase kesilepen i tona i ko aku

Ke ara pe kekurangen tason wan ate mu


(Sakdiah)

Aku pe beta we mien i papahi ko aku

Kudah gere mehaten ara we legih ku


(Kabri Wali & Sakdiah)

Ke nge beta kite be si jegen 

Enti lupen si lime waktu

Kadang ara silep rum lupen

Be si ingeten ko urum aku


*****

(Kabri Wali)

Ko si ku harapen wani jantong rasa

Kin ton seserenen wan tengah gelana


(Sakdiah)

Ko male kin tungkelen aku pe nge rela

Pong ku sara kuren morep wani donya


(Kabri Wali)

Kadang ara kase kesilepen i tona i ko aku

Ke ara pe kekurangen tason wan ate mu


(Sakdiah)

Aku pe beta we mien i papahi ko aku

Kudah gere mehaten ara we legih ku


(Kabri Wali & Sakdiah)

Ke nge beta kite be si jegen 

Enti lupen si lime waktu

Kadang ara silep rum lupen

Be si ingeten ko urum aku


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / / /

Lirik Lagu Gayo "Kayu Nalu - Ervan Ceh Kul" - #SINIKITE

  April 03, 2024    Akmal Aman Zia

  Lirik Lagu Gayo

 "Kayu Nalu - Ervan Ceh Kul" - #SINIKITE




******

Pucuk lemi... mujadi atang....

Si tengah kemang jernyang i perdu...

Karit ni rui... si enge lapang....

Morep tenang iyup iyup kuyu...

Wooo...ooo...

Amaa... Ineee....


Tibe-tibe manuk.... Com gaeh dediang...

Temamur temerbang... Kuatani kayu...

Geleson natengku... olok pedi bimang...

Rupen so cabang... morep kayu nalu....


Enti tunung kintis sidem... Lemis 

Enti tunung kayu nalu si manis... Lowes...

Atang mureris mujadi pempungen...


******

Mutemerbang ku atani cabang 

Wooo manuk...


Pakat bersapih Murip ni batang

Uwes nate gere tebeteh 

I barat waeh nge mugerancang


Sarek tauk si loteng...  kusi mungadu...

Ranting gere kin ceding

Lauh munenting mutik nge layu

Si tenes penerusen... uren 

Ke i baraten tejem ni luju...

Kuyu... si nge musergen 

Mongot segegiken, uyet ni... perdu


Hiyeeee oo amaaaa  ooooo

Hiyeeee O ama.. Ine....ee.....


Lungi pe asale bersoh...

Nge Longoh kenaken rubu...

Lungi pe asale bersoh...

Nge Longoh kenaken rubu...


Seber mi ko kayu

Seber mi ko kayu

Seber mi ko kayu

Sebuku natengku 

Seber mi ko kayu 

Uwes ni ateng ku


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Kemara" - #SINIKITE

  April 03, 2024    Akmal Aman Zia

 Lirik Lagu Gayo 

"Kemara" - #SINIKITE





*****

Kemara O... kemaro

O kemara... i mosem kemaro


*****

Ku langit gere mupocok

Ku bumi gere mu perdu

Gere le layu serinen ku

Wo ijo ku ijo


Batang ni bebelen

Rempak nge beroleng

Radenne musereng

Wan lemboko ijo


Belah nge rempak teh o

Jujung ku ulu bang

Jangkat si naru lipet due nge


Si beloh ulak teh o

Nge kejang uku bang

Paleh aleh pumu iwan ni benge nge


O   iwani benge wo benge

O   iwani benge 

O   iwani benge wo benge

O  iwani benge 


Gere ku tetetot

Kokor  gergel musangka

Beloh ku totor rongka

Waeh menom i ango


Sorot mi ko sorot

Manotmi ku toa

Tetap ni kemara

Wan kemaro lemo


Jema si munikot teh o

Nunyak Ku alas bang

Si mempas empas si mujule nge


Raden berikot teh o

Gerbang wan alas bang

Uahe murelas ampae cimo nge


O... ampae cimo cimo O ampae cimo

O... ampae cimo cimo O ampae cimo


******

Kertek ku kekertek

Kokor ku talu i

Putetelas tuni

Pujejuah cimo


Kokor si menek

Si semayang leli

Tongkong gati gati

I cabang ni soyo


Ara Ganyang kolak teh o 

Muluncet rerak bang

Sara lagu akang lino lino nge


Ara Alas kolak teh o

Si male ku denang bang

Beloh ke alas bedang pejeje nge


O  beluh pejeje wo jeje O beluh pejeje

O  beluh pejeje wo jeje O beluh pejeje


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   /

Lirik Lagu Gayo "Nawi Alhas - Janyi Manismu" - #SINIKITE

  April 03, 2024    Akmal Aman Zia

 Lirik Lagu Gayo Terbaru

"Nawi Alhas - Janyi Manismu" - #SINIKITE






*****

Ku penge kao nge musara

Sisue kao nge bahagia

Urum jema si lebih ari aku

Si dele harta morep e senang

Urum jema si lebih ari aku

Si dele harta morep e senang


Umah megah urum motor mewah

Gere ne susah kusi pe belangkah

Sedangkan aku jema si sengsara

Sabe pengupah buet si ara

Sedangkan aku jema si sengsara

Sabe pengupah buet si ara


Pes di ate mu kao engingku

Cerak lungi mu bewene palsu

Si Kerna aku morep gere munentu

Beta renah i panang ko aku

Si Kerna aku morep gere munentu

Beta renah i panang ko aku


*****

Do'a ku kin kao...

Selamat mi kao kase roanmu

Buge bahgie... sawah ku tue mu


Enti neh.. ingeti... Kisah roan te si nge lalu

Gere neh mongken nguk kite ulaki...

Harapen ku.. bahgie kase morep mu

Harapen ku.. bahgie kase morep mu


*****

I Peren ko jemen a ku aku

Aku harapen mu si nomor satu


Tapi nyata e janyi manes mu

Kupen kin jema nume kin aku

Tapi nyata e janyi manes mu

Kupen kin jema nume kin aku


Do'a ku kin kao...

Selamat mi kao kase roanmu

Buge bahgie... sawah ku tue mu


Enti neh.. ingeti... Kisah roan te si nge lalu

Gere neh mongken nguk kite ulaki...

Harapen ku.. bahgie kase morep mu

Harapen ku.. bahgie kase morep mu

Harapen ku.. bahgie kase morep mu

Harapen ku.. bahgie kase morep mu


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Nawi Alhas - Tareng Ni Ine" - #SINIKITE

  March 29, 2024    Akmal Aman Zia

 Lirik Lagu Gayo 

"Nawi Alhas - Tareng Ni Ine" - #SINIKITE

Cipta : Ma'ruf Aribelta





Ine..... Ku.. nehen... naseb ni tubuh

*****

Kune de naseb kase ahere

Kusi de kase taon ku berlongoh

Osop ni tungkelen taon besere

Ama peserme wani dapor lebo


Jarel ni waeh kusi de belohe

Umah rerampe supu e nge turuh

Deru pongot ku senguk wan i ate

Ke ara dene mayi aku beloh mayi aku beloh


Ulen gelep i langet hejep e gere ber soloh

Gintes iwani nome dele mamor ni laoh

Ulen gelep i langet hejep e gere ber soloh

Gintes iwani nome dele mamor ni laoh


*****

Jarel ni waeh kusi de belohe

Umah rerampe supu e nge turuh

Deru pongot ku senguk wan i ate

Ke ara dene mayi aku beloh mayi aku beloh


Ulen gelep i langet hejep e gere ber soloh

Gintes iwani nome dele mamor ni laoh

Ulen gelep i langet hejep e gere ber soloh

Gintes iwani nome dele mamor ni laoh


Gintes wan tengah lale

Bene tempat ku tedoh

Gintes wan tengah lale

Bene tempat ku tedoh

Gintes wan tengah lale

Bene tempat ku tedoh


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Ervan Ceh Kul - Sesilon" - #SINIKITE

  March 29, 2024    Akmal Aman Zia

 Lirik Lagu Gayo 

"Ervan Ceh Kul - Sesilon" - #SINIKITE





*****

Erah - Erah Kusino i tangke

Murerungke iyup ni kuyu muleno

Erah - Erah Kusino i tangke

Murerungke iyup ni kuyu muleno


Atas... lo timang, Emun Ku tangaki

Gere pas... i panang, Sesilon ni mata

Si enguk... Mubayang, Gere Terulaki

I rai temerbang, Kepek semerlang


Erah - Erah Kusino i tangke

Murerungke iyup ni kuyu muleno

Erah - Erah Kusino i tangke

Murerungke iyup ni kuyu muleno


Keramil... i belah, Santan lemak lungi

Madu si... teridah, Menet ku rasa

Tongkoken... ku waeh, Bebayang teridah

Kedang be...ta turah, Kisah murip ni


Hoooo... Emun isi ko mari

Aaaatass lo timang ku tangaki


Galak si gere tertonong...

Berketibung jantung rasa...

Ku jelgit uwah si ujung..

Tangung galah gere ara..


Nge beta naseb kin untung...

Bertudung ate si kaya..

Belangi bunge ber payong...

Wan ni ulung berperala


*****

Hoooo... Emun isi ko mari

Aaaatass lo timang ku tangaki


Galak si gere tertonong...

Berketibung jantung rasa...

Ku jelgit uwah si ujung..

Tangung galah gere ara..


Nge beta naseb kin untung...

Bertudung ate si kaya..

Belangi bunge ber payong...

Wan ni ulung berperala


Erah - Erah Kusino i tangke

Murerungke iyup ni kuyu muleno

Erah - Erah Kusino i tangke

Murerungke iyup ni kuyu muleno


Lagu Gayo Lainnya


Terima Kasih Telah Mengunjungi Blog #SINIKITE

Semoga Bermamfaat


   / /

Lirik Lagu Gayo "Ervan Ceh Kul - Berijin" - #SINIKITE

  November 19, 2022    Akmal Aman Zia

Lirik Lagu Gayo 

"Ervan Ceh Kul - Berijin" - #SINIKITE

Sumber YT: Ervan Ceh Kul Official





***Musik***

Wan tengah kucak, Aku i dedibong ama

Sabe bergalak, aku i cecaco ine..

Kin payah kejang gere capek cupe ama 

Gere terbilang rum ringit repie ine..


Ibarat lelayang kuyu kin tenege ama

Si turahe terbang iyup ni gegebe

Berijin ku ama, berijin ku ine

Si gere terkire kin kaol ni jasa


Ku talu i ama, ku talu i ine

Buge wani serge ku Tuhen berdo'a

Munaru ni rues, Kebes alak muneroto

Lungi berteles, uwes i tunin ko ine


No... le berbalut melas rupen pe rembege

Nge sawah mupinah alas i sinten mungerje ine...

Wan poteh ni kertas ku lukis cerite ama 

Berbingkai rum emas ku tason i dede....

Ine..... Aku anak mu ine

Ama...... Ama o payong pelongohen seserenen wo... o o


***Musik***

Amaa.... a... wo... mmm...

Berijin ku ama, berijin ku ine

Si gere terkire kin kaol ni jasa


Ku talu i ama, ku talu i ine

Buge wani serge ku Tuhen berdo'a

Buge wani serge ku Tuhen berdo'a


Terima Kasih Telah Mengunjungi SINIKITE

Semoga Bermamfaat


Lirik Lagu Gayo Lainnya

   /

Lirik Lagu Gayo "Sakdiah - Peruweren" - #SINIKITE

  November 13, 2022    Akmal Aman Zia

  Lirik Lagu Gayo 

"Sakdiah - Peruweren" - #SINIKITE

Cipt: Jul Dewantara





*****
Pora - pora naku ku bayangen i perueren

Pora - pora naku ku bayangen i perueren

Ku koro bermanat....

Cawing gonok gampang cacak aku bermanat

Aku bermanat kerna male ulak

Morom ko ku tumpuken 

Ke gaeh aku puren murum lagu kintis...

Beta-beta manat pemulo mujule koro

Beta-beta manat pemulo mujule koro


Perueren atas...

Ganas kule i uwer munehen peger

Munehen peger enti belide rimis

Gelah eking peger i ikot

Enti kase bersemet urum kuel berkikis...

Beberu mampat bersubang

Bebujang mampat berkeris

E tetue mampat berawis

Beberu mampat bersubang

Bebujang mampat berkeris

E tetue mampat berawis


*****

Asar-asar atas taer ko ulak kaul urum kucak

Asar-asar atas taer ko ulak kaul urum kucak

Enti berulon pantas...

Gelah kini ku uwer selalu

I sone mengugu

I sone mengugu derong berlapis

Kat lelah si kucak mude

Si kerna koro tue lemem kati emis...

Beberu mampat bersubang

Bebujang mampat berkeris

E tetue mampat berawis

Beberu mampat bersubang

Bebujang mampat berkeris

E tetue mampat berawis


Terima Kasih Telah Mengunjungi SINIKITE

Semoga Bermamfaat


Lirik Lagu Gayo Lainnya

   /

Lirik Lagu Gayo "Sakdiah - Kutalu Talu" - #SINIKITE

  November 13, 2022    Akmal Aman Zia

 Lirik Lagu Gayo 

"Sakdiah - Kutalu Talu" - #SINIKITE

Cipt: Mustafa AK Kala Laut)

Sumber YT: Helmi Jalil




***Musik***

Wo.... ama..... ku talu talu le gere musaut...

Rupen ilelah ni laut.... amangku

Asal le kertuk ni luge....


Wo.... ine.... I simpang ni jelen ara kerpe bejergut

Rupen batang ni cemucut... amangku

Oya i bubun kin tene...


Gelah muninget mi ko ken kala laut

Si berperi manis si mutimah lemut

Oya patutu bun kin conto....


Wo.... Ama... Naseb ni beden lagu tongar manut..

Isihen die sangkut.... amangku

Asal ku paser muserme....


Wo.... Ine.... kaol pedi batang i salupi gamut...

Perdue nge mujergut.... amangku

i sangkan ni gegebe....


Enti kire kona lagu musang pulut

Ku uken gere siep ku toa gere elut

Gera lagut ike mulaho....

 

***Reff***

Ike kaya emas gere musampe pake...

Ike kaya ate bewene ara....

Ike kaya emas gere musampe pake...

Ike kaya ate bewene ara....


***Musik***

Wo.... Ama... ku lagang-lagang le gere terlepih

Asal le ku sapeh-sapeh, amangku...

Asal gere mera munge...


Wo... Ine.... ku tangaken naseb ku emun si poteh...

Asal le ku waeh jernih.... amangku

Ku tumpunen kekire...


Si berturut payu renih kin penyapih

Sayang enti lelang kaseh enti laneh

Oya pedeh si ku tiro....


Ike kaya emas gere musampe pake...

Ike kaya ate bewene ara....

Ike kaya emas gere musampe pake...

Ike kaya ate bewene ara....


Terima Kasih Telah Mengunjungi SINIKITE
Semoga Bermamfaat

Lirik Lagu Gayo Lainnya

   /

Subscribe to: Posts (Atom)