Lirik Lagu Gayo "Rabumah - Telan Rau" - SINIKITE
Lirik Lagu Gayo
"Rabumah - Telan Rau" - SINIKITE
Cipt: Aliren Masa
***Musik***
Ku tangaki langit... Jarak pedi ilen...
Ku engon ulen... Enge telan rau...
Gelah ku emah emah... Le naseb ni beden...
Kusi ku tumpunen... pikiren si karu...
Atengku si gabuk, gelah ku lalenen
Enge.. musergen.. ibarat perau...
Ate si repuk.. kusi ku kadunen..
Daleng seserenen.. enge murebah perdu....
Retak.. ni tubuh.. lagu uwak ni beden...
Gelah i anuten ku waeh selalu...
Ejel ni teniro kin tuah ni beden
Kunehen...kunehen.. Ku atas diringku
Ku tunung-tunung.. Le besilo bekas...
Ku kerpe mulewas, isi de musilu..
Aku punyenyata, la i pulo belas..
Terbayang mulintes, kin kipes ni pumu...
Nanti-nanti ku penge, sawah kesah alus
Rupen.. nge metus, enge bene sisu...
***Reff***
Ike ku jangko item o.. gere ilen sawah
Male berlangkah item o.. lao pe nge senye
Ike ku jangko item o.. gere ilen sawah
Male berlangkah item o.. lao pe nge senye
***Musik***
Enguk sampe ate.. pikiren berubah
Enge mupinah.. kemudi ni perau...
Untung si saket.. kusi ku emah-emah..
Eko.. pedi tuah.. Munemah diringku...
Beta ke beta pe, gere le mukunah
Ubah... berubah.. janyin te silalu...
Ku kemang payong... sawah ke de uren..
Ku ulesan beden basah ke die baju...
Ku tiro tolong... le keta ku Tuhen..
Gelah i jaraken.. bele ari aku...
Ku awenen olong, kin ampil ni beden
Rupen... nge remo.. le toboh bajung ku..
Enge bene kaseh, enge osop sayang..
Lagu ampa layang... i.. iyup ni kuyu
Jaril ni laoh ku.. enge remenang..
Lagu si tuang.. nge sawah ku baju..
Gere ter sapunen, laoh muberawang
Terkenang-terkenang... kin masa si lalu
Ike ku jangko item o.. gere ilen sawah
Male berlangkah item o.. lao pe nge senye
Ike ku jangko item o.. gere ilen sawah
Male berlangkah item o.. lao pe nge senye
Ike ku jangko item o.. gere ilen sawah
Male berlangkah item o.. lao pe nge senye
Ike ku jangko item o.. gere ilen sawah
Male berlangkah item o.. lao pe nge senye
